Новости
28 сентября 2017, 19:55

Флейтын нимучашдыме сылне семже

Тыгай лўман выставке ты кечылаште Шернурысо музейно-выставочный комплексыште эрта. Тудо марий музыкант, уста флейтист Виталий Шапкинын 70 ияш лўмгечыжлан пєлеклалтын.

Тудын лўмжє мемнан республикыште да Российыште веле огыл, Европысо ятыр элыштат – Английыште, Венгрийыште, Финляндийыште, Эстонийыште, Словакийыште да тулеч моло вереат - кумдан палыме. Виталий Владимирович Шапкин 1947 ий 25 сентябрьыште Шернур район Тумерсола ялыште шочын. Шинчымашым Нольыкмарий школышто поген. Тунеммаштат, общественный илышыштат чолгалыкше дене ойыртемалтын, тунамак музык деке шўма‰ын. 1962 ийыште И.С.Палантай лўмеш музыкальный училищыш тунемаш пурен. Училище деч вара мастарлыкшым П.И.Чайковский лўмеш Москвасе кугыжаныш консерваторийыште шуарен. Концертла дене 1964 ий гычак выступатлаш тў‰алын, консерваторийыште тунеммыж годым усталык корныжо утларак почылтын. 1974-1990 ийлаште Виталий Шапкин - МАССР-ысе Музыкальный театрын оркестржын солистше. Усталык биографийжын посна лаштыкше семын Венгрийысе да Финляндийысе концерт заллаште сольный программе дене выступатлымыжым палемдыман. Российысе, тыгак Англий, Польша да Чехий гыч автор-шамыч шке возымыштым тудлан шокташ колтылыныт. Тылеч посна Виталий Владимирович Йошкар-Оласе музыкальный училищыште, школ-интернатыште да Марий кугыжаныш университетыште туныктымо пашалан жапым муаш тыршен. 2014 ий гыч Э.Сапаев лўмеш опер да балет театрын оркестрыштыже ышта. Музейыште эртыше выставкыште В.В.Шапкин нерген газетлаште савыкталтше материал, шарнымашыже-влак ончыкталтыныт. Тушто тыгак фотографийже, концертласе программыже, выступленийлаш ўжмаш, диск, книгаже-влак дене палыме лияш йєн уло. Виталий Владимирович нерген Андрей Эшпайын возымыжат землякна деке кугешнымашым кумылым луктеш: «Тудо мурсем дене ила! Пўртўсын пуымо артистизмже да темпераментше колыштшо-влакым куанаш таратат. Тидыжак художниклан эн кугу пиал – колыштшо-влакым кумыла‰даш». Талантан землякнам лўмгечыж дене саламлен, тудлан пе‰гыде тазалыкым, кужу ўмырым, эсен илышым тыланен кодына.

Людмила Бердинская.

comments powered by HyperComments

Интересное












Евтушенко в моей жизни был всегда… Евтушенко в моей жизни был всегда…
http://monavista.ru/images/uploads/79b47d882a3689060ae4d57283ec8bbe.jpg
Письмо с моей фермы Письмо с моей фермы
http://monavista.ru/images/uploads/92eb5c9944f25688043feb2b9b01e0f2.jpg
Почему в России выросли продажи дорогих смартфонов Почему в России выросли продажи дорогих смартфонов
http://monavista.ru/images/uploads/08009197b894c4557dc9c7177e803f77.jpg